მთავრობაში "ფრონტერას" კრიტიკულ წერილს პასუხობენ. პრემიერ-მინისტრი გახარია აცხადებს, რომ არავის მისცემს ქვეყნის საინვესტიციო რეპუტაციის შელახვის უფლებას.
"ქვეყნის საინვესტიციო კლიმატი, ქვეყნის ბიზნეს გარემო, არის უაღრესად მნიშვნელოვანი და არავის არ უნდა მივცეთ შესაძლებლობა, რომ თუნდაც არასწორი ინფორმაციის გავრცელების საშუალებით, ეს გარემო და ქვეყნის ბიზნეს კლიმატი დააყენონ კითხვის ნიშნის ქვეშ", - ასე პასუხობს საქართველოს პრემიერ-მინისტრი, გიორგი გახარია, კომპანია „ფრონტერას“ წერილს, რომელშიც კომპანია საქართველოს მთავრობას დეზინფორმაციის გავრცელების შეწყვეტისკენ მოუწოდებს.
როგორც გახარია ამბობს, ოპონენტები ცდილობენ, ეს საკითხი "ტარგეტირებული მიზნებისთვის გამოიყენონ", თუმცა მისი თქმით, პარტნიორ ქვეყნებთან ურთიერთობა მყარია და ეს მათ არ დააზიანებს.